ජනකතා සාහිත්‍යය ගොඩ නැගෙන්නේ ජන වහරිනි.සංස්කෘතියෙන් සංස්කෘතිය ට වෙනස් වන එකී ජනවහරට, කටින් කට පැවත එන ජන විශ්වාස, ඇදහිලි මෙන්ම, ඊට එකතු වූ පුද්ගල සංවේදනා ද, ඇතුළත් ය.
හැම රටකට ම පොදුව එරට ජනසාහිත්‍යයක් ඇත.ඒවා ප්‍රදේශයෙන් ප්‍රදේශය ට පමණක් නොව ගමින් ගමට ද පැතිර යන විට ඊට විවිධ පුද්ගල අත්දැකීම් ද එක් වීමෙන් තවදුරටත් අපූර්ව වන්නේ ය.
මෙහි සංග්‍රහ වි ඇත්තේ එසේ අසා දැනගත් ජනකතා කිහිපයකි ; ඒවා අසාගත් අයුරින් ම රස නොනසා කියන්න ට දැරූ උත්සාහය කි.