පීඩිත පංතියේ විමුක්තිය උදෙසා ‍න්‍යායාත්මක  මෙන්ම ප්‍රායෝගික වශයෙන්ද තම ජීවිතය කැප කළ මානව සංහතිය දුටු විශිෂ්ටතම දාර්ශනිකයා  වන කාල් මාක්ස් ගැන, ඔහු මෙන්ම තවත් මානව ඉතිහාසයේ  ශ්‍රේෂ්ඨයකු වන ලෙනින් විසින් ලියන ලද  මාක්ස් සහ ඔහුගේ දර්ශනය පිළිබඳ කෙටි හැඳින්වීමක් මේ කෘතියේ අඩංගු වේ. මාක්ස් වාදය වූ කලී  ප්‍රායෝගික  හා   න්‍යායාත්මක වටිනාකම්වලින් ද  ඉහල ය. එය එදාටත් අදටත් එක සේ ගැළපෙයි. මාක්ස්වාදය වැනි ගැඹුරු දර්ශනයක් ඉතාමත් සරල සිංහල භාෂාවෙන් මේ විස්තර කොට ඇති නිසා මෙහි අන්තර්ගතය තේරුම් ගැනීම සිංහල පාඨකයාට ද අසීරු නොවේ.