දකුණේ සිට

ගිං ගං ඉවුරු අසබඩ

ඇවිලුණු සටන් පෙරදින

ගඟ දිය රතුම රතු කර

කාටත් හොරා වියැකුණි………..

ලෝහිත කඳුළු දාහය

සම සමව මුසු වූ මෙනුවර

තාමත් කතා නැති ගහ කොළ

විළි බරිත   වී සිටින

වසත්  කාලය  එනතුරුම

මුදාගන්නට නිසි,අලුත් ඵල…..

අප අපට අහිමි කල

හීත රෑ වැටී,  නා කපන මහ වැස්ස

ඇද හැලෙන්නට ඔන්න!

ආයෙමත්  පෙරහුරුවක …..

අහස පුපුරා  හැලුණට

පොළව දෙදරා යාවිද

ගං දිය පිටාර ගැලුව ද

තුංග   කඳුහෙල් කඩා වැටුණිද…?

අනාගත සරුසාර බතට

ඵල දරන සුනිල්වන් පැළ ගොයම

රකින්නට එනු !! ඉතින්  සෝවුරනි

පළමු සිකපදය බිඳුණාට .

1994